Tolosaldeko Hitza

Joxe Manuel Odriozola altzotarrak “Abertzaleak eta euskara” lanarekin 7.000 euroko saria jaso du, Jaka sariaren bitartez.
Hau da epaileek lan honetaz goraipatu dutena: "Gaia interesgarria, eta menderatzen duen arlo batean. Bai aztergaiaren garapena eduki mailan, eta bai azalpena eta idazkera, garbi eta txukunak".
"Euskararen baitatik egindako gogoeta, zenbait jarrerarekin oso kritiko, prosa landuan eta ederrean. Pentsalari ezagun eta aintzat hartzeko moduko baten obraren beste urrats bat, osatzen ari den tesiaren beste mugarri bat.
Proiektu sendoa, ondo dokumentatua, berme handikoa, estilo soil baina zehaztasun handikoan garatua.
Euskal politikagintzaren muinak ulertzeko gakoetako bat izan daitekeena (euskara alderdi abertzaleen barnean), irakurlego zabal batentzat interesgarria izateaz gain, praktikan erabilgarri ere izan daitekeena".